Pica të vogla me suxhuk dhe parmezan
Vështirësia
Cooking time:
20 minuta
Koha e pregatitjes:
15 minuta
- Përbërësit:
-
- 1 vezë
- 200 ml. qumësht
- 100 ml. vaj
- 1 lugë gjelle sheqer
- 10 gr. maje buke
- 550 gr. miell
- Keqap ose salcë domatesh
- Suxhuk
- Ullinj
- Parmezan
- Bërzillok
- Përgatitja:
-
Hapi 1
Në një enë të zbrazët hidhni vezën, qumështin, vajin, sheqerin dhe majen e bukës. Pastaj i përzini përbërësit derisa të formohet një masë e njejtë. Masës ia shtoni miellin dhe kripën, dhe e përzini deri sa të formohet brumi. (Për një brum ideal, ju rekomandojmë ta përdorni Robotin e kuzhinës nga Delimano). Enën me brum e mbuloni me qese plastike dhe e lini të pushojë për një orë.
Hapi 2
I lyeni duart me pak vaj dhe filloni të formoni toptha të vegjël nga brumi. Topthat i vendosni në tepsi dhe i lini të pushojnë për 10 minuta. Më pas, në mes të topthave të brumit krijoni gropa me anë të gotës së çajit, ose formoni peta të vogla sipas dëshirës. Topthat i lyeni me keqap ose salcë domatesh. Sipër tyre vendosni copa suxhuku (ose ndonjë lloj tjetër mishi), ullinj, parmezan dhe bërzillok (sipas dëshirës).
Hapi 3
Picat i piqni për 20 minuta, në temperaturë 200 gradë celcius. Në pak minuta, ju do të keni një drekë të shijshme për familjen tuaj.
Procesin e përgatitjes mund ta shihni edhe në këtë video.
